Detaje të reja janë bërë me dije në lidhje me bazën e armëve të zbuluar sot në Tiranë.
Sipas raportimeve nga News24, baza u zbulua nga komunikimet e një nga telefonave të vëllezërve Beqiraj dhe personave të tjerë të arrestuar.
Policia e ka zbuluar bazën prej dy ditësh, por është pritur për të kapur personat e përfshirë në aktivitetin ilegal.
Megjithatë sipas informacioneve të para nuk ka asnjë person të shoqëruar.
Dyshohet se baza përdorej nga grupet kriminale. Operacioni i fundit vjen pas operacionit “Porositësi”, hetimeve dhe përgjimeve që me sa duket kanë sjellë dhe zbulimin e bazës së armëve në rrugën “5 Maji”.
Nga informacionet e para mësohet se janë zbuluar predha antitank, municion luftarak e armë. Baza e armëve është gjetur në një bllok pallatesh, mes shkurreve, në zonën e 5 Majit.